أنواع الشباب لما يوقفون عند الإشارات

--------------------------------------------------------------------------------

اليوم أعرفكم على أنواع الشباب لما يوقفون عند الإشارات
"
"
"
"
"
"
النوع رقم 1 : متنح
هذا النوع إذا وقف تلقاه يدخل جو ويقعد يتخيل ويناظر بالدركسون ويندمج حتى اذا فتحت الإشاره يبيله ساعه علشان يفك من التتنيحه ويمشي
تكون الإشاره وقتها طفت فـ يضطر انه يدخل جو مره ثانيه<<< وأنا واحد منهم <<< بس أنتبه للأشارة ماهو بمثلهم

النوع رقم 2 : وجه المرايا
هذا طال عمركم إذا وقف مغير يناظر وجهه بالمرايا شوي ويدخل فيها يا أنه يعدل الشخصيه ولا يمشط شعره وغالبا يكون موجه المرايا على وجهه ومخلي القرعه ترعى000

النوع رقم 3 : ناظروني
هذا نوع يموت ويشوف الناس تناظر فيه وعادة مايكون مرفع صوت المسجل على الآخر
وفاتح النافذه عالخفيف حتى لو أنه مشغل المكيف وحتى لو الناس صيف أهم شي
الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره
بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك
ويضرب لك إشارات يمين يسار وهذا مادرى إنه في مثل يقول : لاتحسب كل من ينظر فيك معجب يمكن يكون يتحمد ربه على العافيه

النوع رقم 4: والله مخاوي
هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال
ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل
فيه أحد ملاحظ أنه يكلم ولا لأ ؟ وماخذ في نفسه مقلب المسكين
وماقول فيه غير الحمد لله على العافية

النوع رقم 5 : داخل جو
هذا أنا أتصنف منهم وهالنوع يجيك مقفل النوافذ ومشغل المكيف صيف وشتاء ومشغل
المسجل ومنسجم مع الأغنيه وقاعد يغني مع المطرب ولا بداري عن الي حواليه<<<<<إلا في وقت الصلاة أو رمضان والحج.
مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل

النوع رقم 6: والله أشرب دخان
هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب
سيجاره عند كل إشاره لين مايوصل إلى وجهته المرتقبه ---> وعلى باله هاذي هي المرجله<<<و عاد تكفى الوجهه رايح القهوه00

النوع رقم 7:: الباحث عن الجنس اللطيف
يتميز الجيل الجديد من المراهقين بميزة جديده وهي الترقيم بطرق جديده يعني لو شاف بنات
بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي
مكتوب عليه السياره للبيع ورقم الجوال وحظك نصيبك تدق ولا ماتدق
مع أنه جالس يحتريها من الصبح 0
وفي الأخير تطلع جارتهم ولا وحده من قرايبه

النوع رقم 8 : لايمكن الإتصال به الآن
هذا النوع للمتزوجين والمواعدين فقط
تلقاه داخل عالم ثاني مع الي بجمبه وساحب على أبو الدنيا ومافيها ولا كأنه فيه أحد يمشي وراه ولو وراه مصاب كان مات , والله يحق له ماينلام
بس أحذركم لاتقعدون تطالعون فيه والله الي يحقد عليك ويحدك حدّه أليمه يطلعك الرصيف00

النوع رقم 9: ورع وصار رجل
هذا الي توه متعلم يسوق وتلقاه مستلج بالإشاره مرات يدعس بنزين والقير فاضي
ومرات يرقص السياره ومرات يتفنن في الرقص مع أنه بلحاله ,, نسأل الله العافيه

النوع رقم 10: ياشينه
هذا النوع يمغصك ماغير أصابيعه تلعب في خشمه ولاكأنه فيه أحد يناظره ولا يفتح باب السيارة ويتفل والله لايوريك ويش يطلع <<<<< الظاهر إنه غراء فيران<<<<ياأخي مايخلوا عندهم شوية حياء

هذا وطال عمركم أنواع الشباب المليح في ربوع شوارع بلادنا
ملاحظه مهمه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك
وعلى قولت المثل الدنيا معكوسه تزرع بصل ويطلعلك كوسه

النوع رقم 10: ياشينه
هذا النوع يمغصك ماغير أصابيعه تلعب في خشمه ولاكأنه فيه أحد يناظره ولا يفتح باب السيارة ويتفل والله لايوريك ويش يطلع <<<<< الظاهر إنه غراء فيران<<<<ياأخي مايخلوا عندهم شوية حياء

هههههههههههههههاااااااااااااااي
خطييييييييييييييييييييييييير هذا الانسان
على العموم الموضوع مره مره مره نايس

أشكرك بس عادات هذي مو اشارات ..
هذا صار منتجع Very Happy

ههههههههههههههههه صدقك والله tongue

خخخخخخخخخخخخخخخخخخخخخخخخ
والله حاااااااااالآآآآآت مستعصية عندكم
مشكووورين ع الردوود الفنتك

» تعالو شوفوا ردة فعل الشباب اذا طاحت قدامهم بنت
» انواع مشيات الشباب
» أشهر 11 كذبة عند الشباب!!!!!!!!!!
» اشهر 25 كذبه عند الشباب
» دعاء الشباب قبل ان يرموا الرقم هع هع