..حيث تلتقي الأقلام المبدعه..
 
الرئيسيةاليوميةس .و .جالتسجيلدخول

شاطر | 
 

 موضوع ولا أروع لواحد من الربع...يالله بالستر^^^إهداء خاص إلى خواطر

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: موضوع ولا أروع لواحد من الربع...يالله بالستر^^^إهداء خاص إلى خواطر   الخميس أبريل 02, 2009 6:02 am


مساكم/ صباحكم وورود...

شخباركم وشخبار الأهل وووووو؟
المهم ما بطول عليكم وهذا طلب من خواطر أن أنزل مثل الموضوع الأول وأن شاء الله يعجبكم...


بس على فكرة أنا ما راح أنزل الموضوع كامل لعدة أسباب واهمها :
1-لكي أرى الردود واذا شفت ما شي ردود ليش أتعب نفسي وأكتب
2-لكي يكون الموضوع شيق ولا يوجد به نوع من الممل لأن اذا نزلته كامل بيكون قديم وما فيه تجديد
3-رؤية التفاعل والتوقعات لكل جزء



ويالله نبدأ بالموضوع......



أمس جاني اتصال غريب واقصد بالغريب
اي انها بنت اتصلت وما ادري ايش كان قصدها
من الاتصال مع اني انسان ما مال هذي السوالف
اتصلت ومخليه عمرها غلطانه وانا في البداية
صدقتها لكن في الاخير اكتشفت انها جايه تلعب
والله مستعجب من بعض بنات اليوم وانا اقول البعض
لان فيه كثير من بنات الحلال ما شغلهن هذي السويلفات
المهم بسرد لكم بداية القصة وراح تعرفوا ايش المغزى
من هذا الاتصال اللي طالت مدته اكثر من نص ساعه
,,,
كنت جالس اشوف الساعه 3ونص فجر في قناة اكشن most shocking
هذا برنامج يتكلم عن الاحداث الغريبة اللي تصير للشرطة
ومثيري الشغب في الدول الغربية والضرابات والمشاكل وووالخ،،
,,,
صاح التلفون لأشوف ذاك الرقم الحلو والمميز
اول شي طش قلبي يوم شفت الرقم قلنا واغيابنا من ذا
بيني وبينكم كنت متردد ارد لكن قلت يمكن حد من الربع يريد مساعده
رغم ان كل ربعي ارقامهم سلطة وانا استبعدت هذا الشي
لكن قلت انا برد وما بخسر شي واللي فيها فيها

,,,
قمت بالرد على الاتصال
مسعود : السلام عليكم تفضل اخوي ..( تقول منقلب مال قناة الشباب)
المتصل : .......................... (ساكت)
مسعود :ألووووووووو
المتصل : .......................... خبر خير محد يتكلم
مسعود : تراني بسكر الخط اذا مـ............ (وقاطعني ذاك الصوت)
المتصل : وعليكم السلام اخوي انا اسفه تلفوني فيه مشكلة
مسعود : ...........(انا ساكت واقول في نفسي وابوي ذي بنت موذي البلية)
المتصلة : ألو وينك
مسعود : (يكح يكح يعدل صوته) حياش اختي خير امري شي فخاطرك
المتصلة : مو انته محمد
مسعود : لا اختي انا مسعود الظاهر انك غلطانه
المتصلة : لا اخوي انا متأكده انك محمد وخلي عنك السوالف
مسعود : اقولك انا مسعود ومن هذا محمد لا اعرفه ولا عندي خبر
المتصلة : اخوي انا عارفه انك محمد بس تبي تخبي عني
مسعود : لا حول ولا قوة الا بالله
المتصلة : والله انته مو محمد
مسعود : والله مو محمد انا مسعووووود
المتصلة: انزين شوي شوي اخوي
مسعود : اشوفك ما مصدجه (عاد بدت التفشيرة)
المتصلة : والله فكرتك محمد اخوي
مسعود : مو اقولك اخوش
المتصلة : عفوا اخوي ايش قلت..
مسعود : أأأقصد مو باغتله اخوش تو ..
المتصلة : باغتنه يجيبلي عشى يوعانه ..
مسعود : مسكينه وما عارفه رقم اخوش (صدقت على نياتي)
المتصلة : ما اتذكر لان الارقام امتسحن من التلفون فجأه وحاولت اتذكر لغاية ما طحت عندك
مسعود : آها اختي الله يعينك عيل (في بالي اقول على من ذي السوالف)
المتصلة : عيل انا اسفه اخوي يمكن ازعجتك ووعيتك من النوم ((بو يرتحم))
مسعود : لا لا اختي عادي انا اصلا ما كنت نايم
المتصلة : متأكد اخوي انك ما زعلان
مسعود : الله لا يجيب الزعل اختي صار خير (ارتعش فوادي نعم يوم قالتها الكلمة بذاك الصوت الناعم)
المتصلة : اخوي انته فاضي الحين
مسعود : ايوا فاضي ما عندي شي (انتابني نوع من الشكوك)
المتصلة : اخوي انته مرتبط
مسعود : لا اختي متبطل
المتصلة : (تضحك ضحك) وتقول لا اخوي قصدي عندك حبيبة
مسعود : لا اختي والله ما مفكر بهذي الامور انا انسان مطوع (من هين)
المتصلة : ايش رأيك بالحب كفكرة
مسعود : والله الحب انواع حب هريس وحب اوادم وحب شمس انتي شو رايك
المتصلة : ..(تضحك ما قادرة تتكلم) قالت والله اخوي انتي تضحكني
مسعود : وا فوادي انا
المتصلة : خير شو شو شو
مسعود : اقولك فوادي يعورني ههههه
المتصلة : سلامت فوادك مسعودي
مسعود :
المتصلة : وينك مسعود اشفيك
مسعود : انتابني نوع من الاغماء البطيء
المتصلة : تضحك
مسعود : مالش اختي مو جاش
المتصلة : والله انته حبوب صح نسيت اخبرك من اسمي
مسعود : ما يحتاج اختي تراش غلطانه
المتصلة : لا عادي اخوي انا هند
مسعود : هند مره وحده
المتصلة : يعني ما مصدق
مسعود : لا مصدق اختي عاشت الاسامي
المتصلة : اخوي مسعود بصراحة انا ارتحت لك
مسعود : (هنا اكتشفت ان السالفه لا فيها عشى ولا فيها خرابيط)
المتصلة : وينك مسعود
مسعود : هنا اختي والله شو اقولك اختي انتي غلطانه واحسن لك روحي فطريقك
المتصلة : بأمانه وانا مو جالسه اجاملك ممكن طلب
مسعود : تفضلي
المتصلة : مسعود ممكن نتواصل دايما
))))))))



شو رأيكم بتصرفات هند؟؟
شو رد مسعود لما قالت له كذا؟؟
ليش هالبنت تريد تتواصل مع مسعود؟؟؟
عموما بنحصلكم فالجزء الثاني ...

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه


عدل سابقا من قبل Bo shihab في السبت أبريل 04, 2009 12:55 am عدل 1 مرات
الرجوع الى أعلى الصفحة اذهب الى الأسفل
http://oman911.mam9.com
خواطر مكسوره
مشرفه عامه
مشرفه عامه
avatar

انثى المساهمات : 371
العمر : 24
العمل/الترفيه : طالبه
المزاج : مخلـــــــــــــوط
تاريخ التسجيل : 13/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الخميس أبريل 02, 2009 5:11 pm

هند هذي انسااااااااااااانه فااااااضيه مخهاا مخلص مافيها ادب وماعندها حد يسنعها
امااااااااا مسعوود لما اتصلتبه هند كأنه معجزه نزلتله من السماا واااااحليله
هالهند تريد تتواصل مع مسعوود لانها فااااضيه وقليلة ادب ومافيه ادب وكل شي مازين ومعظم بنات هاليومين كذاا الله يصلحهن
مشكووور بو شهااب وننتظر الجزء الثاني من القصه
هههههههههههههههههههههه
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 12:58 am

أشكرك خواااطر عالمرور العطر ونشكر توقعاتك...

والعفوووو...

وأن شاء الله الجزء الثاني بعد ما يردوا علي باقي الأعضاء

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
^_^ أحبني والله ^_^
مشرف لأمبراطورية حواء & الروايات
مشرف لأمبراطورية حواء & الروايات
avatar

انثى المساهمات : 147
العمر : 24
العمل/الترفيه : طالبه
تاريخ التسجيل : 25/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 1:11 am

أبااا أشووف الجزء الثاني خخخخ هندو هاذي ماعندها سالفه تبي تتمصخ ف نص للليل لااشغل لاولااممشغله بس ليش أنا حاسه انه وااحد من الربع ههههههههه
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 1:26 am

هههههههههههههههه.....أحساسك خليه وحده...

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
اسيرة الذكريات
المراقب العام
المراقب العام
avatar

انثى المساهمات : 350
العمر : 24
العمل/الترفيه : طالبة
المزاج : آحـــم آحــــم
تاريخ التسجيل : 12/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 1:37 am

ههههههههههههههههههههآآآي صراحه هاالمسعوده حكايه ياريييت كل الشباب نفسه كان الدنيا بخير Very Happy
وهالهند الي ما اعرف من وين طلعت وشو سالفتها
المهم ياريت تنزل التكمله I love you
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 1:42 am

يسلموووووا عالمرور والتكملة قريبة جدا بأذن الله..

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
اسيرة الذكريات
المراقب العام
المراقب العام
avatar

انثى المساهمات : 350
العمر : 24
العمل/الترفيه : طالبة
المزاج : آحـــم آحــــم
تاريخ التسجيل : 12/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 1:55 am

يالله عيل ننتظر
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 8:40 pm

مشكووووورين عالرود الحلوة ويلا نكمل...


المهم.
مسعود : لا لا لا اختي خلي عنك هذي السوالف اللي لا تودي ولا تجيب
المتصلة : لا بجد انا اريد اتواصل معك على الاقل في الاسبوع مره او مرتين
مسعود : وايش تريدي مني انا ما اريد بصراحة لاني خبرتك من البداية انا ما شغلي
المتصلة : ارجوك مسعود طالبتنها منك
مسعود : ياخي تو مالك اختي (ياربي تو ايش فيها ذي البنت)
المتصلة : يعني اقول تم
مسعود : لا لا لا خلي عنك لا تم ولا ثوم
المتصلة : ياربي يالله مسعود خلصني ايش جلت
مسعود : جلتلك ما اقدر ما اقدر ما اقدر
المتصلة انزين انته ما تجدر انا بجدر وانا بتصل فيك
مسعود : اريد اعرف حاجه وحده
المتصلة : تفضل ايش تبي
مسعود : اختي لكن بدون لف ودوران
المتصلة : بكون صريحة معاك
مسعود : (في بالي اقول مو اقولك تكوني صريحة) اختي من وين جبتي رقمي رغم انه ولا هندي غلط عليٌ
المتصلة : انا خبرتك اني غلطانه
مسعود : اختي ترانا شباب ونعرف هذي السوالف وما بتمر علينا
المتصلة : والله اني غلطاااااااااااااانه ( شرخته صوتها حشى تقول كزوز سستم )
مسعود : انزين خلاص خلاص صدقت حشى
المتصلة : اخوي شكلك زعلت
مسعود : لا اختي انا ما زعلان بس متشكك من حاجات والواحد لازم يحط 100 احتمال علشان يتأكد
المتصلة : وانا أأكد لك اني غلطانه وما قصدي اتصل فيك مباشرة
مسعود : انزين والزيدة من هذا كله ايش
المتصلة : اننا نتواصل بالتلفون او حتى عن طريق الماسنجر اذا عندك
مسعود : ما اريد اختي بأمانه انا خبرتك من البداية
المتصلة : انزين بالمسن
مسعود : ياربي تراني ابتليت يو إلا ابتليت ( تو مو اقولها ذي )
المتصلة : بصراحة انا معجبة بأسلوبك
مسعود : (اقول في نفسي مو ذا الاسلوب بو يعجب البنات) عاد ما اعجبتي في الا في اسلوبي
المتصلة : ايوا وانته احسك مميز
مسعود : اختي انا محد يطيقني وانا بغيض وانا وانا وانا (بس باغنها تقتنع وتقول غيب ما منك فايدة)
المتصلة : عادي مافي اي اشكالية
مسعود : (والله بصيح منها ذي البنت حشى)
المتصلة : مسعود اشلون الحين بتزعلني ولا اشلون
مسعود : (في نفسي اقول عساش ما ترجعي البر) لا اختي ما اريد ازعلك بس ما اريدك تتعلقي فيني
المتصلة : والله احس ان النور الحين وضح قدام عيني
مسعود : وانا احس ان الظلام تو في عيني (والله اريد افتك منها بس)
المتصلة : ذاك الظلام معناته صورتي حاول تركز في عمق الظلام بتشوفني
مسعود :
المتصلة : كيف شفتني مسعود
مسعود ولا اشوف شي البر
المتصلة : خلي عنك اعرفك تريد تكون شقي
مسعود : اختي بقولك شي لا تزعلي
المتصلة : خير مسعود
مسعود : ممكن تمسحي رقمي وتنسي هذا الاتصال
المتصله : مستحيل ما اجدر
مسعود : وأنا مو حساب اني تراني خبرتك انا كروب واسلوبي بايخ وووالخ ..(في نفسي أبي افتك منها)
المتصله : يا بابا أنا مايهمني أنا زين حصلت واحد مثلك وهذي الصفات ما أشوفها فيك ولا تريد تشوش علي
مسعود : انزين انا بتصرف وبنشوف
المتصله : مسعود اذا سويت اللي في بالك بسوي أي شي نفسي
مسعود : حلاته الشي
المتصله : شو شو قلت
مسعود : قلت تو مو هذا الشي
المتصلة : مسعود ممكن سؤال على السريع اذا مافي مانع
مسعود : (في نفسي متضايف وما طايق حالي ) خير تكلمي مو عندك
المتصلة : حشى كيف لابق اها شوي شوي علي
مسعود : انزين قولي يا هندوه قولي
المتصلة : واااو حلاتك لما تطلع منك هالكلمة
مسعود: (في بالي يبغالك لكمة على خدك) انزين يالله ابي اسمع قولي
المتصلة : مسعود انا عمري 22
مسعود : يعني على بالك برقص من الفرحة واموه
المتصلة: صح انك ما تحس
مسعود : يعني مو باغتني اسوي يوم تقولي عمرك
المتصلة : الشرهه عليٌ انا اللي قلتلك
مسعود : (عساش ما ترجعي) احسن لك لو ما متكلمة قلتلك انا ما عندي اسلوب ومحد يطيقني
المتصلة : وهذا اللي يعجبني فيك
مسعود : اوهوه تو مالش يا بنت الناس روحي نامي احسن لك
المتصلة : مابي
مسعود : انزين بندي التلفون ويالله عن لعب الجهال
المتصله : مسعودي تبي تشوف صورتي
مسعود : لا لا لا أختي خلي عنك لا تتهوري
المتصله : لحظات شوي بتصل فيك بعدين
مسعود :لا لا اختي لا ترسلي شي
المتصله : باي
مسعود :حلاته الشي فكه

بعد ما سكرت التلفون أنا دار راسي وأقول
هذي البنت باغية تجيبلي مشاكل وانا انسان
ما صاحب مشاكل والله تجفلت وما حايد دليلي
مسكت التلفون جالس اشوف عليه قلت يمكن
طفشت مني وعصبت وهذا الشي اللي باغنه
طولت المده وأنا أشوف على التلفون خلاص
أنا يأست وقلت فكه وارتحت من هذي البلية
بعد شوي ما أشوف إلا ذيك العلامه مال الوسائط
تلتاح فوق في التلفون وطش فوادي وصاحت النزقه
وغديت كما بو نافضتنه كهرب وبو وكما بو واسمتنه كوايه
والله اشوف على العلامه كلما تلتاح وتزيد يزيد
خفقان قلبي كأنك عاق كرة تنس داخل قوطي نيدو وجالس تخالطه
وأول ما وصلت الرسالة كنت اتصبب عرق وكنت
بطيح غشيان من كثر التوتر الحاصل من هذا الاتصال
وكان كل سؤال في بالي من هذي ومن وين جابت رقمي وايش تريد مني

وصلت الصوره مال الوسائط وأنا أنتفض
وضروسي يتساكن كأني جالس في القطب الشمالي
جلست أشوف على التلفون وأتأمله والنفضه
ما حال حد وأقول في نفسي ياخي لا يكون
ولد والله بنفضح وبتطيح هيبة العميد
المهم مافتحت الصوره وجلست أتأمل التلفون
وأفكر وأقول في نفسي أظن بغمر اذا شفتها
صورة بنت .. ياربي ايش هذي الورطه
بعد شوي اتصلت وخليت التلفون يصيح وما رديت
على اتصالها وعادت الاتصال تلو الاتصال لغاية
ما وصلت 7 اتصالات في الاتصال الـ8 رديت


ننتظر توقعاتكم بفارغ الصبر

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
^_^ أحبني والله ^_^
مشرف لأمبراطورية حواء & الروايات
مشرف لأمبراطورية حواء & الروايات
avatar

انثى المساهمات : 147
العمر : 24
العمل/الترفيه : طالبه
تاريخ التسجيل : 25/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 9:01 pm

مشكور ع الموضوع حلوو و أحلى شيء انه بالعماني القحي خخخخخخخخخخخ انتظر الجزء 3 بفارغ الصبر
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   السبت أبريل 04, 2009 9:03 pm

العفو والجزء الثالث كالعاده بعد رد الرد من ............... ويسلموا عالمرور

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
خواطر مكسوره
مشرفه عامه
مشرفه عامه
avatar

انثى المساهمات : 371
العمر : 24
العمل/الترفيه : طالبه
المزاج : مخلـــــــــــــوط
تاريخ التسجيل : 13/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 12:12 am

هههههههههههههههههههههههههههههههههه
والله ذا المسعووود تووووووووحفه
ياحليله والله
مؤدب وماعنده السواالف البطااله
اماا هندوووه اللوعه تبغا تلصق فحد مايطيقها
مشكووووور بوشهااب وننتظر التكلمه بفاارغ الصبر
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 1:02 am

العفو وأشكرك على اقتراحك المميز لهند ههههه...
يسلمووووا ع المرور العطر

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 6:27 pm

نكمل الجزء الثالث:



\ودار الحوار التالي بيننا/
المتصله : وينك خوفتني بغيت أموت
مسعود : عسى والله
المتصلة : ايش قصدك
مسعود : قصدي عسى ما يصيبك شي(الشلخ ماود حد)
المتصلة : مسعود شرايك في الصورة
مسعود : (أقول في نفسي ايش ارد عليها وأنا ما فتحت الصورة قلت بغير الموضوع وبتهرب منها)
صح أختي انتي قلتي عمرك 22
المتصلة : مسعود أنا سألت رجاءا جاوب
مسعود : الصوره حلوه (ليش الكذب وانا اساسا ما فتحتها)
المتصلة : وايش اللي عجبك فيها
مسعود : اممم عيونك
المتصله : ايوا ايوا اكذب بعد
مسعود : مشكوره كان انا أكذب
المتصلة : مسعودي والله أمزح
مسعود : :بو يخلي عمره قوي: انا ما أحب المزاح انا انسان جد
المتصلة : جد ولا عم هاهاهاي
مسعود : عم في عينش
المتصلة : صح نسيت اقولك أنا اليوم عيد ميلادي
مسعود : عجب كديتها الفايده
المتصلة : قول بتطلع منه كلمه حلوه حشى انه عنيد ذا المخلوق
مسعود : ابوي عقبال 1000 سنة يارب
المتصلة : مشكور مسعودي
مسعود : يا بنت الناس تراه هذي ما حاله
المتصلة : خير شو فيك
مسعود : تو من دام جالسه تكلميني فمعناتها كلمتي أكثر من شخص غيري
المتصلة : أنا ما كلمت حد غيرك انت وأنا خبرتك اني بالغلط
مسعود : خلي عنك تراه حركات البنات مكشوفه وما أنا النوع اللي في بالك
المتصلة : الله الله على الكلام الحلو من متى مسعودي
مسعود : احم احم يعني عاد خلي في بالك هذي النقطه
المتصلة : مسعود ابي أقولك كلمة
مسعود : لا لا لا لا أرجوش ما باغي أسمعها بلييز
المتصلة : صدقني بتعجبك
مسغود : أرجوش أختي سبيني أو قولي عني اللي تقولي بس لا تقولي الكلمه الحلوه الشيمه (متشكك تراني في الكلمة)
المتصلة : مسعودي خلني افتك من داخلي واصرخ بعالي الصوت إني ...
مسعود: (مقاطعنها علشان ما تقول الكلمة اللي فبالي ) خلاص تراني بسكر التلفون
المتصلة : أهون عليك تسكره في وجهي وتخليني وحدي
مسعود : مره مخلاية في غوانتنامو
المتصلة : (تضحك ضحك)
مسعود : اشفيك تضحكي
المتصلة : ابي اسألك
مسعود : تفضلي
المتصلة : تعرفه ذاك بو يشرب ويسوي الفيديو مال الضحك
مسعود : لا مال هين ذا بعد (أخلي عمري غبي)
المتصلة : لا تخلي نفسك غبي ما اظن انتوا الشباب ما تعرفوه
مسعود : انزين ما ابغى اعرف عنه
المتصله : براحتك انزين كان ودي اخبرك موقف صارلنا أنا وصديقاتي لما شفنا بو يسوي الفيديو في كارفور
مسعود : لحظة لحظة وين شفتوه ما سمعتك زين ((ياربي العيارة))
المتصلة : شفناه في كارفور وتعال الشوف كيف الناس حواليه ههاهاهي
مسعود : لا يكون هذا مايكل جاكسون ونحن ما نعرف
المتصلة : والله نااايس جالسين يصوروا معاه وياخذوا تواقيع
مسعود : مو حساب انه (والله ناس غريبة وما عندها سالفه)
المتصلة : اوين الشباب معجبين وتراه ياخذوا صور تذكاريه ويعلقوها في البيت
مسعود : والله في الجدار من خارج البيت ما خليتها اخليها قدام اهلي في البيت
المتصلة : المهم بعد ما تفرقوا الناس من حيته رحنا نمشي بعمد باغيين نسمع كلامه علشان نضحك
مسعود : ما شاء الله واجد عليش وانتي جاهزة تداوري من جنب الرجال
المتصلة : لا والله مسعودي بس تراه هذا شخصية معروفه
مسعود : معروف في عينك بو يسمع يقول براد بيت جاي كارفور ولا ويل سميث
المتصلة : مرينا من جبنه سمعناه يتهرطم في الحكي ويقول انا اقدر املك كارفور وامثاله ونحن نضحك هههههه
مسعود : كارفور مره وحده ،، هو يالله يشرب ذاك بو يسميوه ماي غريب
المتصلة : تراه جالس يمزح ما صدج علشان يضحك الشباب ههههههههه
مسعود : عجب ربحنا كان باغي يشتري كارفور والله اليوم الثاني بتحصليه مسوي قناه وهو المذيع
المتصلة : خليه يغيب تو المهم اشرايك بجد بجد بالصورة
مسعود : .. ( في بالي اقول ياربي رجعنا لنفس الموال) خبرتك الصورة حلوة
المتصلة : ما لاحظت اني اشبه حد
مسعود : (في نفسي اقول وابوي واغيابنا لا تكون هذي مذيعه ولا شي وانا ما عارف)
المتصلة : ها مسعودي وينك
مسعود : انزين شوي شوي ياربي انتيه شابكه وحاره
المتصلة : يالله قول
مسعود : كأنك اممممممم بريتني سبيرز ولا موزة خميس
المصلة : في عينك
مسعود : انزززين اسف امممممممم من من من ياربي من ( في نفسي اقول وانا ما شايف الصورة ما اعرفها حلطى ولا بيضا مو اقول تو)
المتصلة : خلى ليل
مسعود : وهو بقى ليل الناس تو يقولوا خلى صبح ( شوفوا السياسة باغي اتهرب منها)
المتصلة : لا تلف وتدور خلصني اشبه من
مسعود:
المتصلة : وينك مسعود
مسعود :
المتصلة : ألوووووووووووووووووووو
مسعود : كح كح كح اسف جاتني كحة المستقبل اللا إدراكي يعني تخليني انقطع عن الارسال برهه من الزمن
المتصلة : برهه في عينك هههههههههه (تضحك من الخاطر)
مسعود : شو على بالك نحن نلعب تنس طاولة
المتصلة : صح بخصوص الرياضات شو تحب
مسعود : (في بالي اقول وهذا اللي ادوره شرده من سالفة الصورة) والله يابنت الحلال الرياضات واجد واهمن كرة القدم
المتصلة : لا تكون تلعب في المنتخب وانا ما اعرف
مسعود : احم احم
المتصلة : يعني صح
مسعود : ياليت لو صح انا في الحارة ويخلوني احتياط بعدنا الغم نلعب من دون جواتي
المتصلة : بختك هاهاهاهاي هههههههههههه
مسعود : مو نسوي محد جئ ينقينا يوم صغار عاد تو يوم كبرنا بيقبلوا علينا (باغي اصيح)
المتصلة : أنا ألعب بولينج
مسعود : ايوا قلعيها عيني زياده عاد ما بولينج
المتصلة : والله بجد واذا رميت الكرة توقع كم غرشه اطيح
مسعود : وحده
المتصلة : وحده في عينك كيه انا ما صغيرة ،، انا اطيح اربع غرشات هاهااي
مسعود : ياربي هؤ هؤ واجد عليش روحي فرقي كيستين عيش حال الهنود يوم إلا اربع هههههههه
المتصلة : ما منك انته مني انا اللي اخبرك هواياتي (شكلها صنفت ،، وزعلت)
مسعود : ابوي آسفين (في بالي يارب تنقرع وما ترجع)
المتصلة : مسعوووود شت شت لحظات
مسعود : مالش مو هناك
المتصلة : حد جاااي شت شت شت
مسعود : عجب انسجنت وابوي وافقري غبت راحت العماده علينا :بو منتزق بقوة:
المتصلة : بكلمة بعدين شت شت
مسعود : اقولــ....
المتصلة : بااااي

وسكرته في شكلي وانا جلست مثل هذا >>>>>
والله ما ادري حد كشفها ولا اشلون لكن اذا حد خذ رقمي
ما بيصدق انها هي اللي غلطانه ومتصلة مو انا ياربي والله صارت
فيني حمى بعد ما بندت الاتصال والنفضه ما حال حد والعرق تقول نفاف يطيح
موذي البليه تراني قلت من البداية لو ما راد لكن تو عاد ما يفيد وجلس .....
تفاصيل عودة الاتصال بخبركم وقت ثاني
بعد ما سكرت التلفون أنــا غديت مثل هذا >>>>>
اسكر حلقي وابنده تقول فلفل حارقني في لساني
وجالس كل مره اتوقع شي يستويلي مره انسجن ومره
انشحي ضرب ومره ومره يسحبوني ببيكاب ابو غماره في عز الظهر
ودار راسي من كثر التفكير وما قدرت اركز ولا حتى النعاس اللي كان
موجود طار مع التفكير والخوف والفضه
المهم طالت المده وما ردت بشي ،، بيني وبينكم انا هذا الشي ادوره
بس الشيء اللي منفضني انه يكشفوها ويصيح شحاي الضرب فيني
بعد التفكير والتأمل تذكرت الصورة انا ما فتحتها البر وقلت ليش ما اشوف موه
راسله بيني وبينكم كنت متردد لابعد الحدود قلت اخليها ما مفتوحه الصورة علشان
اذا فتنة علي البنت بقول شوفوا هذي الصورة بعدني ما فتحتها علشان تصدقوا انها
هي اللي غلطانه لكن من بيصدق أول شي ضرب في عمري بعدين تعال قول صورة وخرابيط
المهم بعد التفكير والتدقيق في الموضوع قررت انا وضميري اللي هلكني من كثر ما يقول فتحها
وغايبه غايبه تراه ضميري سفله والله بايعنها تراه عارف نفسه محد بيشحيه ضرب انا
اللي بنضرب من الخاطر وبعدين ضميري بيجلس يتقمز علي ويضحك تراه
ضميري وقت الشده يتكلم من داخلي ويبدي الرأي (أمــا عاد ما ضمير)
المهم فتحت الصورة وقلت غايبه مثل ما قال الصديج ضمير بن ضروس
فتحت الصورة وشفتها وياليتني ما شفتها
طلعت راسله صورة مال مغنية وكاتبه تحتها انا اشبها بنسبة 40%
المغنية طلعت نوال الزغبي وانا هذي المغنية ما اطيقها البر واكرها كره العور
وان اقول في بالي عاد ما 40 % مو اقولك انتيه تشبيها ذي المغنية
لكن اقولك ما علي انا هذي السوالف قلت انا برسلها صورة توم كروز واقولها
انا اشبه هذا بنسبة 100%
حشى 100% عماني معرف عاد ما يشلخ
تراني قلت في بالي بعض البنات يشلخن ويتجاوزنك يمين
من الشلخ (انا قلت البعض وصدقوني حصلت)
المهم طولت مدت عودة الاتصال وانا يأست وراسي كل حين وشوي ينتكس على صوب
باغي انام شكله ضميري شغل مفعول النوم وقال قلب وجهك نام هذي ما جايه تتصل
المهم نمت شوي وغبت عن الوعي التام .. في نومي حلمت ان 3 دوريات شرطة قدام الباب
وبينهم بنت حلوة واهلها وانا اشوف ما الطابق الثاني من غرفتي وجالس اصيح
ويدخلوا الشرطة وكان محد في البيت سويولي عملية مداهمة تقول سارق بنك مسقط
ويجيوا ويضربوني ضرب ويشوتوني بجواتي وانا صياااح ... وطشيت من النوم على اتصال
وامسك التلفون من الغم واشوف عليه بنص عين لاشوف ان المتصلة تتصل
ورديت لكن بصمت قلت لا يكون شيبة ويصيح السب فيني
المتصلة : ألووووو
مسعود : (بنبرت صوت منتفضه) ألووو سلامات
المتصلة : اسمحلي امي وعت من النوم
مسعود : وايش صار
المتصلة : كان بتشوفني لما اتكلم لكن الحظ اني تغطيت بالكامل
مسعود : ويعني
المتصلة : خلاص بخليك نتفاهم بكرة
مسعود : اي بكرة واي خرابيط ياخي طمنيني محد شل رقمي
المتصلة : اوهووو يابوي اتطمن انته في الحفظ والصون
مسعود :
المتصلة : وووينك
مسعود : ماشي خلاص
المتصلة : اشفيك كذا انقلبت قبل شوي كنت حبوب
مسعود : انا خلاص طفشت ومتضايق من هذا اللي يصير
المتصلة : مسعود لا تتضايق كل شي بيمشي تمام
مسعود : انا ما اريد شي يمشي انا اريدك تنسي شي اسمه مسعود
المتصلة : ياربي مسعود اهون عليك انا ما اجدر
مسعود : تجدري ما تجدري عاد هي مشكلتك
المتصلة : المهم مسعود نام الحين بنتافهم بكرة
مسعود : زين والله فكة
المتصلة : شو شو شو
مسعود : ابوي قلت زين والله فكرة
المتصلة : ما علي ها السويلفات انته خلاص صرت خبز يديني
مسعود : انجعله خبز يدينش الحرق
المتصلة : هههههههه لا تحاول ما تجدر
مسعود : بنشوف
المتصلة : المهم مسعودي تصبح على ألف خير واحلام ولا اروع
مسعود : وانتي من اهله واحلام ولا اخرع
المتصلة : هاهاهاهي بااااااي مسعودي (ضحك ضحك )
مسعود : بااااي

خلصت الفكة والحين التفكير والحل مع هذي البلوة لكن قلت احسن
انام وان شاء الله اقدر احل هذي المصيبة من عدة زوايا
لكن اخاف الحلم اللي حلمته يتحقق ويصيح الضرب

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 6:40 pm

توقعاتكم كالعاده؟؟؟؟؟؟؟؟!!!!!!!!!! Twisted Evil

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
خواطر مكسوره
مشرفه عامه
مشرفه عامه
avatar

انثى المساهمات : 371
العمر : 24
العمل/الترفيه : طالبه
المزاج : مخلـــــــــــــوط
تاريخ التسجيل : 13/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 7:17 pm

هههههههههههههههههههههههههههههههههههههههههه
وااااااااااااااحليله مسعوود ماشاء الله عليه سريييع بديهه
واااااااااااااااااالله كااااااااان خااطري ام هندووووه الخايسه تدخل علييها وتوديها ف ستيين دااااهيه
يسلمووووو بو شهااااااااب وننتظر التكمله بفااارغ الصبر
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 7:21 pm

يسلموووووووووووووووووووا ع المرور العطر...
العفو..
أنتي دايم تبدعينا باقتراحاتك..

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
اسيرة الذكريات
المراقب العام
المراقب العام
avatar

انثى المساهمات : 350
العمر : 24
العمل/الترفيه : طالبة
المزاج : آحـــم آحــــم
تاريخ التسجيل : 12/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 7:28 pm

هههههههههههههههه اسفه تأخرت فالرد بس الدينا مشاغل >>الي يقول عيال وحشره ههه
المهم والله لو احصل هالهند كان مسكتها من رقبتها وقتلتها تقهر ياخي
Laughing المهم ننتظر التكمله
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأحد أبريل 05, 2009 7:43 pm

أشكرك على المرور العطر نورتي الموضوع....

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الإثنين أبريل 06, 2009 7:08 pm

المهم نكمل ماذا حصل في اليوم الثاني
،،،

المهم من خلصت المكالمة قفلت تلفوني ورحت اصلي
واول ما رجعت مصلي رحت على طول فوق الفراش
وانا افكر في داخلي واقول تو ايش اللي صار وانا ايش
عملت ياربي تو انا في حلم ولا في علم وكأنه جنيه جات
تكلمني مو آدميه حشى انها لاعيه والاخس انها لزقة
المهم قلت بخلي التفكير لغاية العصر وبنشوف كيف
ونمت في سابع نومي ونهضت الظهر الساعه 12 ونص
ورحت اصلي ورجعت اتغدي وكل اللي في بالي ذاك الاتصال
بعد الغداء اتصل بي زميلي قال بجي عندك باغنك
(انا بيني وبينكم تشككت قلت يمكن هذا الجعري مسوي المقلب
والحين جاي يصارحني لكن اذا طلع هو يا ويله مني)
المهم قلتله تعال وانا بانتظارك يا الحلط
وصل صاحبنا البيت ودار الحكي بيني وبينه
صديقي : هلا بو سعديه اخبارك
مسعود : الحمد لله بخير (في داخلي بو سعديه انته يالعيار)
صديقي : خير موفيك كذاك مبوز
مسعود : شويه بطني في ليـه
صديقي : سلامات خلا كان تروح المستشفى
مسعود : جلس مكانك ما باغي اروح مكان
صديقي : براحتك انته العود
مسعود : تقول باغني ماله مو صاير (بدأت الشكوك توضح)
صديقي : مسعود افاااا افاااا
مسعود : خير مو هناك افااا ( انا شكيت صراحة قلت طيحها الحلط هيبة العميد)
صديقي : تسوي رحلة وما تخبرني ليشششششششش
مسعود : يعني جاي علشان ذا الموضوع
صديقي : هيوا جاي علشان ذا وعلشان مشتاقنك والله من زمان ما ضحكنا
مسعود : مشتاقني انته العيار وانته رسالة ما ترسل
صديقي : مو تسوي حبيبي يابسه
مسعود : هذا انتوه الرغود حال ربعكم يابسه وحال حد ثاني رطبه
صديقي : هـا مسعود مو خبارك وموه الجديد احيدك دايما تجيب لنا سوالف الضحك
مسعود : اي ضحك صديقي والله ضارب غم
صديقي : ليش من سابنك ومن باغي يضارب خبرني بس
مسعود : ياربي انك شراني انته ابوي ياليت لو على كذا
صديقي : تراك خوفتنا قول مو فيك
مسعود : امس متصلة بنت غلطانه
صديقي : وابوي عليك انزين مو سويت عسى ضبطت الامور وصدتها
مسعود : غيب نوبه انته عن قبالتي هذي حالتكم اللي يغلط خلاص تعتبروه صيده
صديقي : ياخي خليك كوول وخلى رتب وعاد لا تنسى اخوك خليها ترتبلي صديقتها
مسعود : يالدهج تو انته فهم السالفه بعدين تكلم حشى انك منتزق
صديقي : انزين فهمني يالله قول بو عندك
مسعود : هذي البنت غلط وكانت تفكرنــي .........الخ .. (عاد انتوه تعرفوا اللي صار ما اعيده )
صديقي : هذي جراده وشاويه عمرها
مسعود : بس ود الحلال انا باغي اعرف من دازنها علي
صديقي : اقول مسعود كان ما تبغاها حولها صوبي ماشي انتيه بو تخجلي
مسعود : غيب غابت عينك صدق انك ما عندك سالفه
صديقي : ياخي صديقي عادي تعرف عليها تراه الدنيا طالبه وهذا حظك
مسعود : غيب نوبه انته والله الكلام معاك مضيعة وقت بس
صديقي : تو انته بجد تتكلم مسعود انها باغتنك وانته باغي تتخلص منها
مسعود : ايوا والبنت لازقة فيني وانا ما عارف ايش الحل
صديقي : عندي الحل لكن اتمنى تقتنع
مسعود : الشيمه كان شي شيمه قول
صديقي : مسعود تزوجها من دام باغتنك
مسعود : اتزوجها
صديقي : هيوا
مسعود : تو مو فيه ذا الحلط انا اقول من صوب وهو يقحم سلايت من صوب
صديقي : انزين مو الراي
مسعود : يا ابن الحلال كيف اتزوج وانا ما اعرف هذيالبنت ولا شفتها بحياتي ، يعني اللي يغلط ويريدك خلاص معناتها
اتزوج واتكل على الله لا لا لا صديقي انا ما تمشي معي هذي الامور هذي خليها لك ولامثالك
صديقي : دوك الحاله بعدني جزاي اعطيه رايي
مسعود : علوه عذرت يوم إلا هذا رايك صحيح انك دهج
صديقي : براحتك المهم تراني جاهز في اي وقت وزمان من اجل تلقي استفساراتك
مسعود : وانا ما جاي انطق ولا كلمة قدامك تراه بو شور دمير معروف
صديقي : كيفك انا بروح البيت ولا تنسى يوم الاربعاء بروح معاكم
مسعود : يصير خير سلم على الاهل
صديقي : يالله مع السلامة

هذا اول صديق وهذا راييه وانا احسن اشوف صديق الطفولة
افضل من هذا الدهج ( يقول روح تزوجها يقول)
اخاف ربي لو غلطانه عليه كان الطبل عاد صايح قدام بابهم اليوم الثاني ههههههههه
لكن للاسف ربعي بوحدهم بو نزقة لكن عندي أمل وحيد وبشوف
صديق طفولتي وهو ذاك اللي يفهمني صح

بعد ما طلع صديقي انتظرت العصر يجي في اقرب وقت
علشان اقدر اروح حال صديق الطفولة ومثل العادة رحت على التلفزيون
وعلى قناة اكشن نتابع افلام لانها قناتي المفضلة ومتابع من فلم لآخر
الى ان جات صلاة العصر رحت اصلي وتلاقينا انا وصديق الطفولة
بعد الصلاة قلتله اريدك في موضوع مهم قال خلى ركب السيارة بنتكلم
رحنا في السيارة ودار الحوار التالي :
صديقي : هـا مسعود ايش الموضوع
مسعود : ياخي والله متردد اقول ومستحي
صديقي : مسعود ما احيد بيننا شي يالله يالله قول
مسعود : انزين بقولك بس لا تاخذ علي ولا تزعل
صديقي : افاااا من متى انا ازعل على اغلى صديق
مسعود : والله صحيح انك انته اللي لازم اكلمه في هذا الموضوع من اول
صديقي : وانته كلمت حد اصلا
مسعود : هيوا كلمت ذاك الحلط
صديقي : ياربي انته ما نقيت إلا الحلط ذاك واحد فتان ولاعي
مسعود : ما عليك منه ما يخبر حد
صديقي : المهم قول الموضوع
مسعود : يا ابن الحلال الموضوع انه في بنت اتصلــ ......... إلخ ...
صديقي : يعني بنت غلطانه تعلقت فيك بالمره
مسعود : كذاك ود الحلال
صديقي : انته لو مسكر التلفون من اول
مسعو د: والله على بالي واحد من الربع مسوي المقلب تعرفه بو يقلد الاصوات
صديقي : هيوا اعرفه ذاك واحد عيار
مسعود : المهم تأكدت انه ما هو
صديقي : كيف
مسعود : تراه انا بعمد خذيت وعطيت في الكلام بغيت اكتشفه بس وضح وضوح الشمس انه ما هو
صديقي : أهــا وبعدين
مسعود : بعدين تعلقت وصار اللي صار
صديقي : وانته شو تريد الحين
مسعود : بيني وبينك اريد اتخلص منها هذي البنت لا تسويلي سوالف
صديقي : والله شو اقولك خليني افكر اممممم

وبينما انا وصديقي نتكلم في الموضوع وصلت رسالة منها تقول
انا وقلبي والزمن والمعاناه
مدري نخون الحب والانصونه
خلوني اخذ سجة الحب وياه
يتقبل طعوني واتقبل طعونه
اكذب على نفسي اذا قلت بنساه
لاتجرحون الحب لاتجرحونه
تكفون خلوني اباعيش دنياه
واللــــه ماتسوى حياتي بدونه

والله شفت الرسالة وضربت غم اسداس في اسداس
وما قادر استوعب ولا كلمة وخصوصا يوم مكتوب
ما تسوى حياتي بدونه ... لا حول ولا قوة إلا بالله
علوه شربي مسعود وتو عاد افتك
المهم وصلت الرسالة وجلست اشوف عليها وانا فيني غم وتغيرت ملامحي
وصديقي كأنه شك فيني وقال :
صديقي : مسعود خير ايش فيك اشوف وجهك تغيير
مسعود : مافيني شي لا تخاف ( كنت ما اريد اوضحله اني متضايق لما وصلت الرسالة)
صديقي : مسعود تراني اعرفك من ونحن صغار ما تحاول تخبي
مسعود : والله شو اقولك الحين راسله رسالة وسمع شو كاتبه (قريتها له )
صديقي : ياربي صدق انها متعلقه شو هذا الكلام
مسعود : وهذا اللي سمعته
صديقي : شوف مسعود انا عندي خطة ولازم ننفذها لكن اخاف يصير للبنت شي
مسعود : شو الخطة
صديقي : ما ترد عليها بس اول ما تتصل انا برد عليها وبقول مسعود مات
مسعود : إيييييييه شو مات تريدها تقتل عمرها
صديقي : وانته ايش يضمن لك انها بتسوي شي في نفسها
مسعود : اسلوبها وكثر تعلقها
صديقي : وانته صدقت ما شاء الله عليك
مسعود : يعني رايك انها تكذب
صديقي : هذا من ضمن الاحتمالات
مسعود : والله ما اتوقع انها تكذب لان مشاعرها صادقة
صديقي : انزين ايش الحل
مسعود : عندك راي ثاني
صديقي : خلاص حصلتها
مسعود : الشيييييمه قوووول

صديقي : بس اخاف نفس الشي ما يعجبك
مسعود : ابوي انته قول وبعدين يصير خير
صديقي : ياخي تراك دهدرتبي
مسعود : ياخي ما باغي تقول خذ راحتك بشوف حد غيرك
صديقي : افااا مسعود بتسويها يعني وبتسفه صديق عمرك
مسعود : اشوفك ما باغي تقول
صديقي : خلاص بقولك المهم انته حاول تتناسى كل شي بينكم وكل كلمة دارت بينكم
مسعود : أهــا وبعدين
صديقي : حاول تنصحها وتحسسها انه هذي الامور ما منها فايدة ابدا
مسعود : يعني انته رايك انها بتقتنع
صديقي : يا ولد الحلال يمكن بتحس انه اللي تسويه غلط وكذا بتكون انته الربحان
مسعود : ربحان موه نوبه انته
صديقي : انته بتربح الاجر لانك نصحتها وسويت بو عليك
مسعود : ولد الحلال تو انا اللي سويته حرام وما زين
صديقي : انما الاعمال بالنيات وانته خلي نيتك صافية وان شاء الله خير
مسعود : والله شو اقولك صديقي (في نفسي والله محتار وما اظن هذي الفكرة بتنجح)
صديقي : ها شو قلت مسعود بتسوي اللي خبرتك عليه
مسعود : انا عندي رأي ثاني
صديقي : ايش
مسعود : ما احسن ارسلها رسالة علشان تحس وما فيني
بارض اكلمها اعرفها بتلف وتدور علشان تمسك فيني
صديقي : صدقني لو رسلت هي بتتصل على طول ويعني ما كأنك سويت شي وبتحط عليك
مسعود : يعني رايك الاتصال وتراها وحده
صديقي : والله هذا اللي اشوفه انا
مسعود : خلاص بروح على رايك بس تعال بخبرك شي بعد
صديقي : أوهووووه تراك مسعود ما عجبني اليوم ابدا ما احيدك كذاك
مسعود : صديقي تراه هذي الامور غريبة ولازم اخذ ا
حتياطاتي من كل صوب والاحتياط واجب
صديقي : الاحتياط واجب انزين حله في البيت هههههههههههههه
مسعود : والله مالي نفس اضحك ههههههههههه
صديقي : تراه شلتنا كذا كله ضحك في ضحك وعاد انته
ما نحيدك كذاك احيدك انته عميد الشله
مسعود : تراني عميد عميد بس بعد ذي السالفه صرت جندي
صديقي : ههههههههه هذا مسعود اللي اعرفه يالله خليك كووول
وخلى نشوف اللعب
مسعود : خلى طشينا ((والله في بالي اقول هذا الشيء اللي مفتقدنه
وهو صديق الطفولة صدقوني ما شي احسن منه ونعم الصديق))
صديقي : على بركة الله

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
خواطر مكسوره
مشرفه عامه
مشرفه عامه
avatar

انثى المساهمات : 371
العمر : 24
العمل/الترفيه : طالبه
المزاج : مخلـــــــــــــوط
تاريخ التسجيل : 13/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الإثنين أبريل 06, 2009 7:37 pm

هههههههههههههههههههههههههههه
وااااااحليله مسعووود
ماشاء الله على صديق الطفووله ونعم الصديق ماذاا الحلط
خخخخخخخخخخخخخخخخخخ
مشكوور بوو شهااب وننتظر التكمله بفاارغ الصبر
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الإثنين أبريل 06, 2009 7:40 pm

العفو والتكمله قريب جدا...
يسلموا عالمرور

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
اسيرة الذكريات
المراقب العام
المراقب العام
avatar

انثى المساهمات : 350
العمر : 24
العمل/الترفيه : طالبة
المزاج : آحـــم آحــــم
تاريخ التسجيل : 12/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الإثنين أبريل 06, 2009 9:34 pm

يااا حليله مسعود ليش يعور راسه ماشي فهالدنيا يستاهل انه يكدر خاطره
خلها تغيب هالهند اكيد تقص عليه الي كلمت واحد مليون بالميه مكلمه حد غيره او انها بتكلم
وصراحه انا احسده على هالصديق ونعم الصديق ما شالله ربي يخليهم لبعض
ههه واسفه على التعبير بس هذا تعبير عن شعوري ههه
وننتظر التكمله ... I love you
خالص ودي وتقديري
اسيرة الذكريات
الرجوع الى أعلى الصفحة اذهب الى الأسفل
^_^ أحبني والله ^_^
مشرف لأمبراطورية حواء & الروايات
مشرف لأمبراطورية حواء & الروايات
avatar

انثى المساهمات : 147
العمر : 24
العمل/الترفيه : طالبه
تاريخ التسجيل : 25/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الثلاثاء أبريل 07, 2009 1:10 am

ههههههههه إنشالله يتحقق هععع الموهييم ياخي الجزء الثالث ممل هععع عذرا يعني مافي أكشناات pirat
الرجوع الى أعلى الصفحة اذهب الى الأسفل
Bo shihab
مدير المنتدى
مدير المنتدى
avatar

ذكر المساهمات : 472
تاريخ التسجيل : 10/03/2009

مُساهمةموضوع: رد: موضوع ولا أروع لواحد من الربع...يالله بالستر^^^إهداء خاص إلى خواطر   الأربعاء أبريل 08, 2009 7:29 pm

اثناء مشاهدتنا اللعب جات الرسالة الثانية وانا خليت
نفسي كأني ما سامعنها لكن صديقي قال مسعود تلفونك
صاح شو ما سمعته رديت عليه قلتله كنت مندمج مع اللعب
وما انتبهت عليه وطلعته من جيب الدشداشة لافتح المسج
واشوف ايش مضمون الرسالة وكان مضمونها :


مساء الخير والدلع لاحلى مسعووود في الدنيا
خير طمني ووينك اليوم لا حس ولا خبر
عسى المانع خير

قلت حال صديقي شووف مو راسلة قالي لا ترد عليها
واتصل بالليل وصارحها قلتله تمام ولا يهمك صديقي ..
المهم شفنا اللعب ومن خلص اللعب كل واحد اتجه على
البيت علشان يغير ويروح المسجد واثناء طريقي للبيت
قطع طريقي صديقي الحلط وقال هلا بو سعدية كيف الامور
مع المزايين رديت عليه برد واحد بس قلتله الله يهديك ورحت
عنه وصديقي الحلط وقف حائر ومستغرب مني وانا سفته رحت
على طول البيت بدون اي رد اخر في ذيك اللحظات انا انتظر الليل
بفارغ صبري علشان انفذ الخطة اللي مخبرني بيها صديق الطفولة
وانا ضفت بعض الامور علشان تصير الامور في المضمون وما احاول
اتأثر بكلامها ولا تحاول تصيدني المهم الى ان جاءت الفرصة الجيدة
وفي تمام الساعه 12 قلت تو غايته واللي فيها فيها المهم رسلت رسالة
قلت آسف اليوم شوي مريض وسوري على التأخير في الارسال
رسلت الرسالة وبعد دقيقة ما اشوف غير ذاك الاتصال


ولما بديت اركز على الرقم تأكدت انه رقمها وقلت هذي الفرصة
اللي ادورها ولازم اوقف هذي الامور عند حدها رديت على الاتصال
ودار الحكي :

المتصلة : هلا مسعودي سلامات
مسعود : الله يسلمك
المتصلة : تراك خوفتني وليش ما خبرتني من اول
مسعود : كنت في المستشفى وتلفوني في البيت (واجد شباب يشلخوا كذاك )
المتصلة : ياربي انزين على الاقل من رجعت طمني برسالة ولا بلغني
مسعود : تراه اول ما رجعت على طول نمت
المتصلة : انزين وكيف تحس الحين
مسعود : الحمد لله احسن بكثير
المتصلة : الله يشفيك مسعوودي
مسعود : مشكورة لكن ممكن افاتحك بموضوع
المتصلة : تفضل
مسعود :
المتصلة : وينك تكلم شفيك
مسعود : بقولك شي بس لا تزعلي
المتصلة : الزعل ما بيجي ان شاء الله
مسعود : يابنت الحلال تراه اللي جالسه تسويه ما زين ومحد يرضاها
في اهله عاد شو في نفسه واتمنى ترجعي لربك تراه انا ما جاي انفعك
بشي وقسما بالله اذا واحد ثاني كان بياخذ اللي يريده منك وبيسفهك وبيخلي
فيك جرح عميق ما راح تنسييه صدقيني انا اعتبريني اخوك الكبير وانا اريد
مصلحتك مثل انتي ما تريدي مصلحة نفسك اتمنى ان كلامي ما يزعلك واتمنى
ان هذا يكون آخر اتصال بيننا والله يهدينا جميعا ان شاء الله
المتصلة : ....................................
مسعود : .................... (في نفسي اقول ياربي شو سويت )
المتصلة : ......................................
مسعود : (سمعت صوت بكاء خفيف وتحاول تخفيه)
المتصلة : مسعود انا اسفه اني دخلت في حياتك بالغلط بس صدقني مستحيل
فيه شخص مثلك يقول هذا الكلام وياما سمعت صديقاتي يتكلمن عن الشباب
انهم كذا وكذا وخونه وغدارين بس طبعا ما كل الشباب مثل ما تعرف ان الحياة
فيها زين وفيها شين وانته طلعت من الفئة الاولى وصح كلامك لو واحد ثاني
كان بيجي يلعب معاي بس انته طلعت ولد حلال والحمد لله ان الامور ما ساءت
الى ابعد الحدود
مسعود : اختي انتي اول ما اتصلتي توقعتك مثل البنات اللي يجين يلعبن على الشباب
علشان مصالح لكن تأكدت انك جايه تتعلقي فيني وانك مولعه فيني وما ادري ليش
ولو ان الاسلوب مو ذاك الزود لكن استغربت منك صراحة واول مره اشوف هذي الحالة
المتصلة : صدقني مسعود اسلوبك يخلي الواحد يرتاحلك
مسعود : بصراحة انا مع الجميع سواء اعرفه واللي ما اعرفه من الشباب يرتاحولي
لاني اجتماعي وعلى طول اتكيف مع الشباب واقدر اكسب حبهم لي ويمكن انا استعجلت لما
كلمتك مثل الاسلوب اللي ادخل فيه مع الشباب وانا اسف
المتصلة : مسعود لا تتأسف الغلط مو منك الغلط مني بس صدقني انته انسان ولا اروع
ويالييت لو كل الشباب مثل صراحة الحمد لله اني غلط عندك ولا غلطت عند حد ثاني
مسعود : صار خير اختي والحمد لله على كل حال
المتصلة : مسعود كيف الحين انته عايش حياتك
مسعود : والله حياتي بسيطه وما معقد الامور ابدا صحيح الواحد عنده من ما عطاه الله ولكن
الفلوس ما تعتبر شي في حياتي وانا متواضع ولا شايف نفسي ولا متكبر على حد الحمد لله
المتصلة : الحمد لله على كل حال صدقني انا ابكي من الفرح ووالله اني فرحانه ان الامور ما ساءت
مسعود : روحي الحين صلي ركعتين وذكري ربك وان شاء الله راح تنسي كل شي
المتصلة : صدقني ما راح انساك وما راح انسى كل كلمة نصحتها لي وان شاء الله راح
احط هذي النصائح في بالي لغاية ما اموت
مسعود : اهم شي لا تجالسي رفيقات السوء تراهن هن سوس البلاء كله
المتصلة : تمام ولا يهمك
مسعود : والحين بخليك وعسى ربي يوفقك
المتصلة : تصدق ما جادرة استوعب اني بسكر الخط
مسعود : عادي سكري وانتي متطمنه
المتصلة : انته سكر احسن
مسعود : انتي سكري ولا اقولك بعد لحد الثلاثة وكل واحد يسكر من صوب
المتصلة : موافقة
مسعود : واحد اثنين ثلاثة


وكل واحد سكر الخط عن الثاني وانتهى هذا الاتصال بسلام
والحمد لله كما هو متوقع من صديق طفولتي والحمد لله على
الخطة اللي تترجمت بالنجاح والاخوة والمحبة والنصح
وهذا الشي طبعا بفضل هداية الله سبحانه وتعالى


بعد ما سكرت الاتصال على طول اتصلت بصديق طفولتي
واخبرته بما دار بيننا وخبرته بأن الخطة نجحت وصديقي كان
سعيد جدا بما حصل بيننا وقال الحمد لله ان الامور جات على كذا
وزين منها البنت اقتنعت قلتله خلاص البنت اقتنعت ونصحتها
ووافقت على الكلام وشكرتني كثير المهم صديقي نتلاقي بكرة

_________________
بعــــــض البـــــشر طبـــــعه مقــــدر ومحــــشوم .... وبعــــض البشــــر عيــــب عليــــــك احتـــــــرامــــــه ..... الــــي ســــــتر عيـــــبه عــــن النـــــاس بــــهدوم .....وش يســـــتره لا صــــار عيـــــبه كلامــــــه
الرجوع الى أعلى الصفحة اذهب الى الأسفل
http://oman911.mam9.com
 
موضوع ولا أروع لواحد من الربع...يالله بالستر^^^إهداء خاص إلى خواطر
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات الأمبراطورية العمانية :: الامبراطورية العامة :: امبراطورية ترويح القلوب-
انتقل الى: